Paz Fornos, Francisco

Albanel, 20 anos. Solteiro.

Militante do PCE.

Procesado.

No ano 1943 os franquistas sometérono a un expediente por responsabilidades políticas.

A finais de 1945, coa chegada de José Gómez Gayoso e Antonio Seoane Sánchez, Vicente Peña Terrassa pasou a formar o Comité Provincial da Coruña do PCE, con Benigno Fraga Pita, o Alejandro; Avelino Rivas Pombo, o Edelmiro. Nesta organización tamén figuraban Baldomero Lage Guerra, Diego Romero Jiménez, Segundo Vilaboy Martínez e Juan Pérez Dopico, Xan de Xenaro, Caravana. Tamén estaban Adolfo-Cipriano Allegue Allegue, Riqueche, e Francisco Paz Fornos.

Reclamouno o xuíz militar de Santiago de Compostela (A Coruña), en novembro de 1948, na causa 546/48.

Participou en varios golpes económicos, como o do que foi vítima Ramón Leira Balsa o 22/03/1949 ou do día 31/05/1949 na casa de Hermenegildo Sanjuan Varela.

Diante do temor de que a compañeira de guerrillas Josefa Ramiro Santos tamén desertara como fixera o seu home, no ano 1948 finou axustizada polos tamén guerrilleiros José Blanco Núñez, Ferreirín, e Francisco Paz Fornos, por orde de Emilio Pérez Vilariño.

Reclamárono na Coruña na causa 201/49, en xullo de 1949, e en Ferrol (A Coruña) na causa 190/49 por atraco a man armada, en setembro de 1949.

Enfermo, morreu na cova refuxio de Fiúnte a finais de maio de 1951.