Vázquez Rodríguez, Manuel

Calafate, 31 anos. Casado. Veciños de Ferrol

Encarcerado.

Combateu coas tropas republicanas durante a guerra civil e acadou a graduación de cabo.

Ao ex-tenente do exército republicano, Alejo-Pablo Mora García, detéñeno os franquistas en setembro de 1937, procesárono e condenárono a reclusión perpetua e sae en liberdade condicional en febreiro de 1943; domiciliouse en Vigo (Pontevedra), onde semella que comeza a traballar ao servizo da Garda Civil.

No verán de 1947 Mora García trasladouse á zona de Ferrol (A Coruña) e comeza a traballar en Astilleros y Talleres del Noroeste (Astano) o día 25/08/1947 por recomendación do tenente coronel, destinado na Coruña, Juan Luque Arenas. Alí adícase a coñecer os entrabados de enlaces e redes do PCE e pretende infiltrarse na guerrilla a través de Manuel Vázquez Rodríguez, quen fora cabo no batallón de Mora García.

Prendérono os franquistas que o mantiveron en prisión provisoria ata a data do xuízo.

Xulgado en consello de guerra no Tribunal Militar Territorial da Coruña polos delitos de auxilio á rebelión e axuda a bandidos, na causa 40/48, co resultado de condena a dous anos de cadea segundo sentenza do día 30/10/1948.

Proceso contra varias persoas e que se vencella ao errado intento do infiltrado Alejo-Pablo Mora García de integrarse nos grupos de fuxidos de Ferrolterra.

Procesaron nesta causa a: Antonio Barreiro Ruiz, Manuel Bastida Franco, José Beceiro Fernández, Sol Bertalo Blanco, Rosa Caridad Bazas, Jaime Castro Rodríguez, Francisco Castro Roibal, José-María Díaz Díaz, Antonio Díaz Pérez, Vicente Díaz Veiga, Emilio Domínguez Cubero, María Dopico Aneiros, José Dopico García, Constantino Fernández Rosado, Juan Gallego Abeledo, José González Díaz, Francisco Graña Sequeiros, Germán López Rodríguez, Benito Paz Teijeiro, José Piñón Paz, Gerardo Pita López, Francisco Ponte Cabana, Alfonso Prados Pita, Francisco Ramos Calvet, Marcelino Rodríguez García, Manuel Rodríguez Sánchez, Daniel Romero López, Juan Romero Ramos, Antonio Sabín Prieto, Emilio Sande López, Silvestre Sanz García, Severino Suárez Ríos e Manuel Vázquez Rodríguez.