Bao Lagares, Ramón

Xornaleiro. Veciño de Quireza.

Falanxista.

Matón e provocador a soldo das dereitas, detido antes do golpe militar pola posesión dunha pistola.

Represor.

Enlace e matón do xefe provincial de Falanxe en Pontevedra, Manuel Castro Pena. Adicáronse a extorsión con ameazas e malleiras; ditouse orde de busca e captura por ladrón.

Expulsado de Falanxe por estes contubernios, con Castro Pena e outros, no ano 1937.

Xulgado por tentativa de estafa e homicidio frustrado, na causa 8/37, nun xuízo no que foi auditor Hernán Martín-Barbadillo Pául, co resultado de arquivo da causa e na que estaban imputados máis de trinta falanxistas. Quedaron impunes e do diñeiro extorsionado nunca máis se soubo.

Confesou a conspiración dos cregos na represión, nos roubos, nos asaltos, nos secuestros...

Fixeron requisas de bens durante máis de catro meses. Ramón elaborou listaxes negras para cometer extorsións baixo ameaza de malleiras e coa anuencia dos cregos.

Despois da guerra perseguiu e torturou ao canteiro e veciño Laudelino Bugallo Bouzas.