Fandiño Pidre, José

Industrial e político, 34 anos. Casou con Nieves Villaverde; tiñan unha filla e un fillo: María-Nieves e José-Cándido. Veciños de Moaña. Emigrou a Nova York (EEUU) co seu pai. En 1935, cos aforros da emigración, montou un café económico na súa casa da Seara, Virxe do Carme de Moaña, Moaña.

Militante da CNT e do sindicato Solidaridad Marinera.

Elixírono concelleiro da comisión xestora de Moaña no ano 1936; nomeado alcalde desta localidade o día 22/03/1936 pola coalición da Fronte Popular (FP).

Depurado. Executado. Sancionado.

Despois do golpe militar destituírono da alcaldía o día 22/07/1936.

Nun intento por salvar a vida chegou a contribuír economicamente coa Falanxe local con 25 pesetas. Finalmente arrestárono e procesárono; acusárono con falsidade de masón.

Xulgado en consello de guerra en Vigo, o día 12/12/1936, polo delito de auxilio á rebelión co resultado de sentenza á pena de morte.

Finaron fusilados en Vigo no mesmo día: José Fandiño Pidre, industrial; José Fervenza Pena, mariñeiro; Fernando Lago Lago, fundidor, e Jesús Vilariño Santomé, mariñeiro.

A súa dona desprazouse a Burgos e foi quen de conseguir o seu indulto pero cando chegou a Vigo con esta resolución ao seu home xa o executaran.

Embargáronlle a súa casa os sediciosos. Os seus fillos emigraron a América.