López Rama, José

Tiña 29 anos. Casado con Ángeles Diego González. Veciños da rúa Santa Lucía, 16, en Xixón (Principado de Asturias), cidade á que se trasladaron en febreiro de 1936.

Militante da CNT en Xixón.

Exiliado. Encarcerado. Morte na cadea.

Participou de xeito activo na defensa da II República. Coa caída da Fronte Norte pasou a Cataluña, onde loitou nas forzas republicanas. En decembro de 1937 era Cabo do Corpo de Carabineiros.

Pasou a Francia despois da fin da guerra civil e internárono no campo de refuxiados españois de Saint-Cyprien e no de Le Barcarès; en abril de 1939 ingresou na 39ª Compañía de Traballadores Estranxeiros, onde permanece cando comeza a II Guerra Mundial.

Prendérono os nazis alemáns en outubro de 1940 e internárono no fronstalag no 142 en Besançon (Borgoña, Francia). Trasladárono a Altengrabow stalag XI-A (Alta Saxonia, Alemaña), onde o internan o día 10/01/1941. Deportado ao campo de exterminio de Mauthausen (Austria), no que ingresa o 26/04/1941. Enviárono ao sub-campo de Gusen o 20/10/1941 e alí rexístrase a súa morte dous meses despois.

Nalgunhas fontes o segundo apelido figura como Ramón.