Mosqueira García, José

Militar, 19 anos. Veciño de Froxán, Santo Adrán de Corme Aldea, Ponteceso. Irmán de Manuel Mosqueira García, fuxido, encarcerado e exiliado. Mariño da Armada, mariñeiro do bou artillado Ciriza con base en Trintxerpe, Pasaia (Guipúscoa).

Encarcerado.

Estivo na Mariña de Guerra Auxiliar de Euskadi (MGAE), no bou armado Ciriza.

Xulgado en consello de guerra en Ferrol (A Coruña) polo delito de rebelión militar co resultado de sentenza á pena de morte.

Pena de morte conmutada pola de cadea perpetua e logo pola de 12 anos e un día de prisión.

Puxérono en liberdade condicional no ano 1943.

Seis mariñeiros do Ciriza sofren as seguintes represalias dos franquistas:

Condenaron á pena de morte a: o cabo artilleiro Jesús-José Rodríguez Portela, 23 anos; o fogueiro Manuel Veiga Vázquez, 24 anos, e os mariñeiros Eulogio Estévez Rodríguez, 22 anos, e José Mosqueira García, 19 anos; a este último conmutáronlle a pena pola de cadea perpetua. Absolveron aos mariñeiros: Manuel Ameijenda Antelo, 21 anos, e Luis Devesa Rey, 19 anos.