Pereira Fernández, Eladio

Labrego, 34 anos. Solteiro. Veciño de San Miguel de Cervantes.

Encarcerado.

Ingresado no depósito de Becerreá (Lugo) o día 28/09/1936 e trasladado á Prisión Provincial de Lugo.

Xulgado en consello de guerra en Lugo polo delito de auxilio á rebelión militar, na causa 1211/37, co resultado de sentenza a 20 anos de prisión. Xuízo desenvolto contra varios veciños de Cervantes.

Neste xuízo condenaron á pena de morte a Manuel Gómez Santín (conmutada pola de cadea perpetua); 20 anos de cadea para: Emilio Fernández Santín e Eladio Pereira Fernández; penas de 15 anos a: Manuel Fernández Gallardo, Rudesindo Fernández González e Manuel Gómez Núñez; castigaron a 12 anos a Baldomero Santín Gómez. A sentenza ditou auto de sobresemento definitivo para Luis Digón García, e de absolución para Rudesindo Fernández Santín. Declararon fuxidos a: Victorino Fernández Digón e Abelardo Gutiérrez Digón.

Pena ordinaria conmutada pola comisión de exame de penas de Lugo e concédeselle a prisión atenuada o día 23/08/1940.

Volveu ingresar na Prisión Provincial de Lugo o día 21/04/1943.

Xulgado no Tribunal Militar Territorial de Lugo polo delito de auxilio e encubrimento de rebeldes e atracadores, na causa 170/43, co resultado de sentenza a un ano de cadea segundo resolución do día 23/12/1944.

Saíu en liberdade da cadea luguesa o seguinte día 27/12/1944.

Procesárono no Tribunal Rexional de Responsabilidades Políticas da Coruña e indultárono no ano 1961.