Pesqueira Domínguez, Carmen

Costureira e lavandeira, 29 anos. Era nai solteira e tiña un fillo de 4 anos. Veciños de Marín. Filla de pescadores. Traballaba para os relixiosos dun priorado e para as familias de posibles de Marín.

Non se lle coñecía ningunha filiación política ou sindical.

Executada.

Secuestrada por unha banda de falanxistas na noite do 18 de agosto, despois de que saíra na defensa dun home maior ao que estaban a maltratar por non erguer o brazo dereito ao paso dos falanxistas; entre os seus asasinos atopábase o criminal nazi Bruno Schweiger Damboech, o Alemán, xefe da Centuria de Zapadores de Falanxe en Marín.

Violada, torturada, mutilada, mallada e asasinada a tiros por este grupo de fanáticos falanxistas no Pozo da Revolta, Bagüín, San Xurxo de Mogor, Marín. Ao día seguinte o seu cadáver paseárono, cos peitos mutilados, polas rúas de Bueu e pola súa contorna nunha camioneta como advertencia do que podía pasar; logo abandonárono na rúa.

A súa morte rexistrouse en Bueu (Pontevedra) a causa de ferida no corazón, omitindo que o corpo presentaba varios tiros e evidencias de maltrato.

Soterrárona en Bueu.