Rincón Álvarez, Manuel

Dependente e soldado, 18 anos. Solteiro. Veciño das Neves. Dependente dun comercio.

Encarcerado. Morte na cadea.

Cando se produce o alzamento militar era soldado do Rexemento de Artillería Lixeira nº 15 en Pontevedra, 8ª Brigada de Artillería da VIII División Orgánica e, espantado pola represión dos golpistas, desertou e atravesou o río Miño con dous compañeiros; prendeunos a policía portuguesa, que os entregou á Garda Civil de Salvaterra de Miño (Pontevedra).

Xulgado en consello de guerra en Pontevedra, o día 19/09/1936, polo delito de deserción co resultado de sentenza a cadea perpetua o día 08/10/1936.

Ingresado na Colonia Penitenciaria da Illa de San Simón, Redondela (Pontevedra).

Trasladárono ao penal do Forte de San Cristóbal, onde ingresa o día 11/10/1936. Participou no intento de fuga masiva deste penal do día 22/05/1938, capturárono ao día seguinte no monte Ezkaba e reingresárono na cadea.

Morte rexistrada en San Cristóbal ás 22:00 h por mor dun colapso cardíaco por unha lesión pulmonar.

Soterrárono nunha fosa común en Berrioplano (Navarra).

Algunhas fontes sinalan que finou o día 04/02/1939.