Sayar Orellán, Manuel

Mariñeiro, 31 anos. Casado; tiñan un fillo. Veciños de Marín (Pontevedra).

Militante da CNT e membro do Sindicato da Industria Pesqueira (SIP) de Ribeira. Membro da Federación Anarquista Ibérica (FAI).

Encarcerado. Morte na cadea.

Despois do movemento golpista foxe en barco a Santa María de Corrubedo, Ribeira (A Coruña), onde o prenderon os falanxistas.

Segundo os mesmos falanxistas fixo fronte aos sediciosos en Marín e acusárono de facer requisas, instalar unha radio no teatro de Corrubedo, propalar novas falsas e ameazar á xente de orde.

Os franquistas acusárono de “conduta pésima...comunista exaltado, levantisco e perturbador” e prendérono en Ribeira, despois de fuxir de Marín.

Ingresado na Colonia Penitenciaria da Illa de San Simón o día 28/10/1936. Tentou fuxir o día 5 de decembro e morreu afogado, con el tentábao tamén Rufino Miranda Cabral, o Rodal, ao que prenderon e fusilaron.

Xulgado en consello de guerra polo delito de rebelión, na causa 593/36, suspéndense as actuacións ao notificarse a súa morte por afogamento(o seu corpo apareceu na praia de Cesantes, Redondela), cando tentaba fuxir da Illa de San Simón, onde o confinaran.

O seu cadáver apareceu o día 17/12/1936 na praia de San Pedro de Cesantes, Redondela (Pontevedra).