Villares Santiago, Marcelino

Chófer e político, 22 anos. Solteiro. No ano 1936 residía en San Martiño de Cruzul, Becerreá (Lugo).

Militante do PCE.

Encarcerado.

Combateu na guerra civil e, en maio de 1937, ingresou no Instituto de Carabineiros.

Prendérono as tropas franquistas e ingresárono na Prisión Provincial de Lugo o día 21/06/1939. O 09/07/1940 trasladárono á Prisión Provincial de Madrid a disposición do auditor de guerra da 1ª Rexión Militar.

Xulgado en consello de guerra, na causa 770/39, co resultado de sentenza á pena de seis anos de cadea.

Sae da Prisión Provincial de Madrid en xullo de 1943 en liberdade provisoria, que se publicou no BOE nº 235 do 23/08/1943.

No ano 1944 organiza o Comité Cormarcal do PCE en Becerreá. Mantivo contactos cos fuxidos da III Agrupación do Exército Guerrilleiro de Galicia (EGG) e semella que foi a Marcelino a quen lle atoparon unha listaxe coa localización destes guerrilleiros.

Arestárono outra vez por actividades extremistas e ingresárno de novo na Prisión Provincial de Lugo o 13/02/1946; o 26/03/1946 conducírono á Prisión Provincial da Coruña.

Xulgado en consello de guerra no Tribunal Militar Territorial da Coruña o día 17/07/1946 polo delito de rebelión militar, na causa 75/46, co resultado de sentenza a 25 anos de prisión segundo resolución do 10/08/1946. Nesta causa procesaron a 64 persoas.

Neste proceso xulgaron, entre outras moitas persoas, a: Enriqueta Otero Blanco, Julio Nieto López, Ramón Vivero Geada e José-María Urquiola Iglesias.