Aceiro Somoza, Antonio

Camareiro, 25 anos. Solteiro. Veciño de Monforte de Lemos.

Militante da UXT e do PSOE. Presidente do Sindicato de Camareiros de Xixón.

Encarcerado.

Despois do golpe militar tivérono como preso gobernativo en Monforte de Lemos e sen apertura de causa militar.

Ingresado no cárcere de Monforte de Lemos o día 29/07/1936.

Xulgado en consello de guerra en Lugo polo delito de rebelión, na causa 194/36, co resultado de sentenza de sobresemento provisorio, segundo resolución do día 29/12/1936.

Puxérono en liberdade o día 08/02/1937.

Alistouse nas milicias da 1ª Bandeira de Falanxe en Lugo e o día 18/10/1937 evadiuse ao Exército Popular republicano na fronte de León.

Detivérono as forzas rebeldes e ingresou na cadea en novembro de 1937.

Xulgado en Xixón (Principado de Asturias) en consello de guerra o día 08/10/1938 polo delito de deserción fronte ao inimigo co resultado de sentenza a cadea perpetua.

En xuño de 1940 continuaba interno na prisión celular de Xixón (Principado de Asturias) e puxérono en liberdade condicional provisoria o 26/07/1943, cando se atopaba na Prisión Provincial de Lugo.

No ano 1941 procesouno o Tribunal de Responsabilidades Políticas da Coruña.

Xulgado en Lugo no ano 1945 polo delito de propaganda ilegal, na causa 467/45, co resultado de sentenza a un ano de cadea segundo resolución do 24/12/1945.