Bello Pernas, María-Benedicta

Traballo na casa e política, 28 anos. Casada co xastre Manuel Ferreiro Lamas; tiveron tres fillas: Alejandrina, Enriqueta e Dora. Veciños de Santa María de Bretoña, A Pastoriza (Lugo), onde Manuel rexentaba unha xastrería.

Encarcerada.

Acusáronos de ser de esquerdas e “de mala conduta moral pública e privada”.

O día 01/06/1937 prendérona co seu home, acusados de rebelión militar por axudar a fuxir ao alcalde Victorino Mateo Hombreiro, ofrecéndolle vivenda e alimento durante o tempo que permaneceu agochado.

Ingresada na Prisión Provincial de Lugo o día 01/06/1937.

Xulgada en consello de guerra en Lugo o día 30/07/1937 polo delito de rebelión militar, na causa 535/37, co resultado de sentenza a cadea perpetua.

Neste procedemento tamén xulgaron ao seu home, Manuel Ferreiro Lamas, ao que condenaron a 20 anos de prisión.

Pena ordinaria conmutada pola comisión de exame de penas de Lugo pola de oito anos de cadea.

Trasladada o día 20/02/1938 ao cárcere de Saturrarán, Mutriku (Guipúscoa) e, máis tarde, á de Palma de Mallorca.

Interna na Prisión Central de Mulleres de Palma de Mallorca, publicaron a súa liberdade condicional no BOE nº 227 do 15/08/1941.

Procesárona no Tribunal Rexional de Responsabilidades Políticas da Coruña e indultárona no 1961.