Carballo Vázquez, Antonio

Industrial e político, 51 anos. Veciño de Vigo.

No ano 1931 era concelleiro na cidade viguesa, suspendérono no ano 1934 e repuxérono o día 20/02/1936 polo grupo de Esquerda Republicana (ER), dentro da coalición da Fronte Popular (FP).

Presidente da loxa masónica Vicus nº 8.

Executado. Sancionado.

Despois do golpe militar consegue fuxir a Portugal e devolveuno a Policía Internacional e de Defensa do Estado portuguesa (PIDE) pola fronteira estremeña. Como non o coñecían non o detiveron e volveu a Galicia, entregándose en Vigo cando se promete o indulto para as persoas sen delitos de sangue.

Xulgado en consello de guerra sumarísimo en Vigo polo delito de rebelión militar co resultado de sentenza á pena de morte.

Neste consello de guerra procesaron a: José Caldas Iglesias, metalúrxico; Antonio Carballo Vázquez, industrial, e Julio Vilaboa Villar, pintor.

Fusilado ás 11:00 h no Monte do Castro, en Vigo.

Morte rexistrada en Vigo a causa dunha intensa hemorraxia interna.

No mes de setembro de 1937 abríronlle un expediente de incautación dos seus bens.

Procesárono no Tribunal Rexional de Responsabilidades Políticas da Coruña e indultárono no ano 1941.

Tamén o procesaron no Tribunal Especial para a Represión da Masonería e o Comunismo.