Carro Pena, José

Areeiro e xornaleiro, 38 anos. Casado con Manuela Gómez Amor, tamén de 30 anos; tiñan catro fillos e un en camiño. Veciños da rúa Magdalena, 8, en Betanzos. O seu alcume corresponde realmente ao seu pai. Tiña dúas lanchas que se adicaban a extraer area na ría.

Militante do Sindicato de Profesións Varias de Betanzos, da CNT, do que foi vogal en 1933.

Secundou un boicot do seu sindicato contra os almacenistas e comerciantes Irmáns Babío. A José ferírono e, máis tarde, paseárono por estes feitos. O día 24/11/1933 recibiu dous tiros nunha perna que lle pegou Emiliano Babío Teijeiro cando José lle requiría o pago da area, que Emiliano lle negaba e area que este lle requisaría co amparo da Garda Civil.

Paseado.

O día 27/10/1936 un grupo de milicianos e gardas civís buscouno na súa casa de noite; un dos milicianos, veciño de Carro, díxolle que botara a correr e tentara fuxir pero un garda civil reaccionou e disparou contra el. Tentou a fuxida á altura do Hospital de San Antón, pero ferírono; logo, co pretexto de trasladalo a curar a Santiago de Compostela (A Coruña), consumaron o seu asasinado no ramal de Meangos, en San Tirso e guindárono nunha cuneta.

Soterrárono no cemiterio de San Tirso.

Os veciños sinalaron que o pasearan polas súas disputas cos caciques Babío.