Castro Cancela, Castor

Labrego e político, 50 anos. Casado con Jesusa Nieto Mourente. Veciños de Triabá, Santa María de Perdecanai, Barro.

No ano 1918 participa na constitución dunha Sociedade de Oficios Varios en Barro da que desenvolveu a presidencia no ano 1921.

Detido no ano 1921 baixo a acusación de lanzar unha bomba contra a casa de Manuel Rodríguez Maquieira; acusación que se probou que era falsa.

Durante a II República elixírono concelleiro de Barro en 1931 e alcalde en 1936, despois do triunfo da Fronte Popular (FP).

Fuxido. Encarcerado.

Despois do golpe militar rebelde andou fuxido polo temor ás ameazas e ao acoso dos falanxistas.

Detido pola Garda Civil e os falanxistas en Moraña (Pontevedra) a mediados de setembro de 1936.

Xulgado en consello de guerra en Pontevedra o día 03/03/1937 polo delito de auxilio á rebelión, na causa 209/37, co resultado de sentenza a 15 anos de cadea.

Pena ordinaria conmutada pola comisión de exame de penas de Pontevedra.

Ingresado na Prisión Provincial de Pontevedra o día 18/09/1936.

Despois trasladárono ao presidio de Figueirido (Pontevedra), á Colonia Penitenciaria da Illa de San Simón, Redondela (Pontevedra) e, por último, á prisión de Astorga (León).

En abril de 1940 ábreselle un expediente de responsabilidades políticas.