González Gómez, Raúl

Mestre e político, 33 anos. Veciño de Ventosela. Ingresou no maxisterio no ano 1928. Mestre nacional de Ventosela.

Na II República militou no Partido Republicano Radical Socialista (PRRS). No ano 1932 enfrontouse a un expediente de suspensión por reivindicar un local axeitado para a escola e suspendérono de emprego e soldo. Membro da Asociación de Traballadores da Ensinanza de Ourense (ATEO).

Colaborou na revista da ATEO, Escuela del Trabajo.

Encarcerado. Depurado.

Arrestárono os franquistas despois do alzamento militar rebelde.

Xulgado en consello de guerra en Ourense polo delito de rebelión militar, nunha causa militar de 1936, co resultado de sentenza á pena de morte.

Pena de morte conmutada na comisión de exame de penas de Ourense pola de cadea perpetua.

No ano 1943 conmutóuselle a pena pola de 15 anos de inhabilitación.

Interno na Prisión Provincial de Ourense, publicaron a súa liberdade condicional provisoria no BOE nº 281 do día 25/09/1943.

Procesárono no Tribunal Rexional de Responsabilidades Políticas da Coruña e indultárono no ano 1958.

Depurárono como mestre e adicouse ao ensino privado ata que se incorporou de novo ao ensino público no ano 1966.