González González, Albino

Militar e empresario, 20 anos. Casou, despois de ser liberado, con María Gómez Torres, que xa fora a súa moza desde os tempos da guerra; tiveron un fillo: Jesús.

Exiliado. Encarcerado.

Cando se produce o golpe de Estado achábase en Donostia (Guipúscoa), alistouse no Exército Popular da República, acadando o grao de capitán, logo o de comandante e o de tenente coronel. Tamén foi comisario político.

No ano 1939 exiliouse en Francia e estivo no campo de Argelès-sur-Mer (Pireneos Orientais, Occitania, Francia). Militou na 63ª Compañía de Traballadores Españois e na resistencia francesa fronte aos nazis alemáns.

Coa caída de París en 1940 recluírono, con outros 7000 españois, primeiro en Tréveris stalag XII-D (Renania-Palatinado, Alemaña) e despois no campo de exterminio de Mauthausen (Austria), onde o internan o día 03/04/1941. O 02/07/1943 ingrésano no sub-campo de Sankt Lambrecht (Estiria, Austria).

Liberado polas tropas aliadas de Sankt Lambrecht o día 05/05/1945. Pasou cinco anos en Mauthausen, saíu con 30 anos e 36 kg de peso.

Volveu a Galicia, casou con María e marcharon vivir á Rúa (Ourense); foi empresario chocolateiro. No ano 1966 a parella marchou para Barcelona.