Hervella Gómez, Perfecto

Médico, 46 anos. Veciño de Castro Caldelas. Estou Medicina en Santiago de Compostela (A Coruña) e Madrid, cidade na que se licencia no ano 1920. No ano 1922 tiña o destino en El Peral (Cuenca), pronto consegue o traslado como médico titular á zona de Castro Caldelas. Irmán do tamén médico de ideas falanxistas Fermín Hervella Gómez.

Figura importante do agrarismo na provincia de Ourense. Na II República afiliouse a Esquerda Republicana (ER).

A finais dos anos vinte participou na publicación do xornal agrario El Defensor de Caldelas e, no 1931, en El Agro.

Depurado. Sancionado.

Prendérono os franquistas.

Xulgado en consello de guerra polo Tribunal Militar Territorial de Ourense, na causa 1135/37, con outras 15 persoas e semella que pasou pola cadea do Mosteiro de Oseira. Acusárono de ser presidente do comité da Fronte Popular (FP), de esquerdista e comunista.

Abríronlle expediente en 1937 no Tribunal Rexional de Responsabilidades Políticas e castigárono co desterro en Xunqueira de Ambia, Celanova, Manzaneda...; sofre estas represións ata o ano 1955.

No ano 1940 tamén o depuraron do Colexio de Médicos.

Outras fontes sinalan como primeiro apelido Herbella.