Lago Díaz, Jesús

Tiña 31 anos.

Militante da CNT.

Fuxido. Encarcerado.

En novembro de 1936 evádese das filas franquistas na fronte asturiana con catro compañeiros, incorpórase ao exército republicano e combate na guerra civil nas frontes do Principado de Asturias e Santander (Cantabria).

Despois da caída da Fronte Norte tenta fuxir a Francia, ferido, nun pesqueiro o día 21/10/1937, pero este barco de pesca abordouno o cruceiro lixeiro rebelde Almirante Cervera. Unha vez que os capturaron, leváronos a Ribadeo (Lugo) e despois á Coruña.

Pasou polo campo de concentración de Camposancos, A Guarda (Pontevedra), do que logrou fuxir e regresar ao seu pobo, Cedeira (a máis de 200 quilómetros). Alí traballou de enlace da guerrilla ata que en 1949 cae nunha redada.

O día 31/05/1949 levárono ao cuartel da Garda Civil de Ferrol, onde o torturaron de xeito salvaxe.

En xullo de 1949 tentou fuxir, golpeando cunha botella aos gardas que o custodiaban; sempre segundo o informe policial. Morto por mor de varios disparos de pistola, semella que os fixo o número José Hernández Santana, o Canario, no curso dun interrogatorio no que volvían torturalo.

Por mor da súa morte abriuse a causa 207/49 no Tribunal Militar Territorial de Ferrol co resultado de sobresemento.