Lamela Marcote, Ramón

Tiña 22 anos. Casado con Luisa Marcote Trillo; tiveron dúas fillas, mortas antes de cumprir o ano. Veciños da Travesía de Arriba, 25, en Fisterra. Ramón tiña tres irmás.

Exiliado. Encarcerado. Morte na cadea.

Mobilizado polos franquistas en 1936, desertou o día 13/04/1937 e loita no exército republicano na guerra civil. Por esta deserción detiveron á súa nai Manuela e á súa irmá, tamén Manuela, para encarceralas unha longa tempada no cárcere de Corcubión (A Coruña); liberáronas o día 16/04/1938.

Despois do triunfo do golpe militar pasa a Francia. Internado en Argelès-sur-Mer (Pireneos Orientais, Occitania, Francia) en 1939.

Ao comezar a II Guerra Mundial traballou no servizo dos ferrocarrís franceses, loitou contra dos nazis e rematou detido.

Preso dos nazis alemáns en Krems Gneixendorf stalag XVII-A (Baixa Austria, Austria). Deportado ao campo de exterminio de Mauthausen (Austria) o día 27/01/1941. Trasladado ao sub-campo de Gusen o 08/04/1941, onde se rexistra a súa morte.

Outras fontes sinalan que naceu o día 09/01/1915.