Lampón Ríos, Manuel

Mariñeiro, 25 ou 26 anos. Veciño do País Vasco.

Militante das Xuventudes Socialistas Unificadas (XSU) de Pasaia (Guipúscoa) e da UXT.

Fuxido. Encarcerado.

Durante a guerra civil foi miliciano voluntario nas Milicias Antifascistas Obreiras e Campesiñas (MAOC), tenente da 2ª Compañía; capitán do 8º Batallón Castilla e capitán de enlaces do Estado Maior do I Corpo de Exército de Euskadi na zona republicana. Loitou en Pasaia e na defensa de Irún.

Xulgado en consello de guerra en Ferrol (A Coruña) en setembro de 1937 polo delito de deserción (causa contra varios mozos do trozo da Pobra do Caramiñal por non se ter presentado a filas) co resultado de ser declarado fuxido e en rebeldía.

Detido polos rebeldes ao caer a Fronte Norte en 1937.

Xulgado en consello de guerra en Bilbao polo delito de rebelión militar, o día 30/09/1937, co resultado de sentenza á pena de morte.

Pena de morte conmutada na comisión de exame de penas de Biscaia pola de cadea perpetua e, co tempo, pola de 12 anos de cadea.

Internado nas prisións de Bilbao, Burgos e Celanova (Ourense); o día 13/05/1942 ingresárono no Destacamento Penal das Minas de Silleda (Pontevedra); estando neste destacamento publicaron a súa liberdade condicional provisoria no BOE nº 76 do día 17/03/1943.

Puxérano en liberdade condicional o día 24/02/1943.

Procesárono no Tribunal Rexional de Responsabilidades Políticas da Coruña e indultárono no ano 1941.

Tamén o imputaron no ano 1940 no Tribunal Especial para a Represión da Masonería e o Comunismo.