López Varela, Fermín

Mestre e político, 25 anos. Casou no ano 1933 con Irene Blanco Adán; tiveron unha filla: María del Carmen. Veciños de Santiago de Pardesoa, Forcarei. Veciños de Forcarei. Estudou Maxisterio na Escola Normal de Pontevedra e rematou no ano 1929. Mestre interino de Santa Cristina de Valeixe, A Cañiza (Pontevedra) en novembro de 1931; en maio de 1933 destinárono a Cernadelo, San Miguel de Presqueiras, Forcarei. Mestre nacional de Pardesoa desde novembro de 1934.

Militante do PSOE e da Asociación de Traballadores da Ensinanza de Vigo (ATEV), da UXT, desde marzo de 1934.

Colaborou con Escuela Vivida.

Depurado.

Arrestado polos rebeldes, sen procesamento xudicial, en Cerdedo (Pontevedra), pasou uns nove meses na cadea de Cerdedo e na Escola Normal de Pontevedra. Destruíron a súa biblioteca.

Ábreselle un expediente de depuración co resultado de suspensión de emprego e soldo e baixa na escala de mestres a finais de agosto de 1936. Dérono de baixa na escala de mestres o 11/05/1940.

Retornado ao maxisterio privado en Soutelo de Montes (Pontevedra) no ano 1941, os mestres falanxistas fixéronlle a vida imposible.

Veuse implicado en setembro de 1948 na caída do PCE, prendérono e trasladárono ao cuartel da Garda Civil de Lalín (Pontevedra).

O crego Silva Ferreiro, filofascista, cualificouno de “apóstol de cuño marxista e formación revolucionara”.