Losada García, Ángela

Tiña 9 anos. Veciña de Sobrado (León). Filla de Alpidia García Moral, Maruxa, morta en enfrontamento.

Encarcerada.

Despois do alzamento os fascistas queiman a casa familiar e asasinan ao seu pai, José Losada Granja, e a un irmán en outubro de 1936; a familia comeza a colaborar coa guerrilla e a súa nai tivo que botarse ao monte cos maquis pola presión das forzas represoras despois dos sucesos de outubro de 1943, cando acubillaban a varios fuxidos e nos que morreron dous membros da Garda Civil. Ángela presentouse ao día seguinte no cuartel da Garda Civil e deixárona en liberdade por ser menor de idade.

Ángela converteuse na xefa de familia sendo moi nova e foi enlace da guerrilla antifranquista.

Cando só contaba 18 anos prendérona os rebeldes.

Xulgada en consello de guerra en León polo delito de auxilio á rebelión, na causa 572/43, co resultado de sentenza a 12 anos de prisión. Pena conmutada pola de oito anos.

Torturárona moralmente dicíndolle que sería liberada se a súa nai se entregaba.

Ingresada na prisión no ano 1945, pasou case que seis anos presa e retivérona nas cadeas de León, Amorebieta (Biscaia) e Segovia. Puxérona en liberdade en 1949, despois de que os represores asasinaran á súa nai.

Cando saíu da cadea casou con Eulogio Lindoso Arias e tiveron dous fillos: José e Julio-César.