Martínez Prieto, Ventura

Empregado municipal, 34 anos. Casado con Asunción Martínez. Veciños da rúa do Orzán, na Coruña. Varredor do servizo de limpeza pública no Concello da Coruña.

Secretario en xaneiro de 1931 da Unión Obreira Municipal, da UXT.

Paseado.

Non se presentou a traballar o día 12-08-1936. Destituíuno ao día seguinte o alcalde Fuciños porque: «ha sido detenido el día doce del corriente, por ser contrario al movimiento nacional iniciado por el ejército para salvar a España de las antipatrióticas hordas marxistas». Paseárono os franquistas en Beira, Carral, o 13/08/1936.

Morte rexistrada na Coruña a causa dunha hemorraxia cerebral por balazos. O seu cadáver e o de José Campelo García apareceron en Santa Mariña de Beira.

Soterrárono o día 14 de agosto nunha fosa común común no cemiterio de San Amaro, na Coruña, con José Campelo. Trasladárono a un nicho en xuño de 1941.

Segundo auto da Audiencia Provincial da Coruña "la muerte de Ventura Martínez Prieto y José Campelo García, originada según dictamen médico por varios balazos, habiendo aparecido sus cadáveres en términos de la parroquia de Veira [sic]-Carral el 13 de agosto próximo pasado ignorándose quién o quiénes hubieren sido los autores".

Por mor destas mortes violentas abriuse na Coruña a causa 427/36.