Navarrete Cortina, César

Funcionario, fotógrafo e político, 48 anos. Veciño da rúa Campo da Leña, 27, na Coruña. Funcionario administrativo no departamento do censo da Secretaría do Concello da Coruña. Nos anos dez era membro do grupo ciclista da garda municipal coruñesa. Tamén traballou como fotógrafo. Durante a II República foi o responsable da actualización do censo de habitantes.

Socio do Casino Republicano da Coruña.

Depurado. Paseado.

César figura nun informe da Dirección Xeral de Policía no que se manifesta: “Entre los elementos considerados peligrosos para el Orden Público por sus ideas y actuación han sido detenidos y luego puestos en libertad entre otros de menor inportancia, los siguientes”.

Arrestárono despois do golpe rebele e cesárono como funcionario municipal o día 25/07/1936.

Morte rexistrada na Coruña a causa de feridas de arma de fogo.

Soterrárono o día 18 de decembro nunha fosa común no cemiterio de San Amaro, na Coruña.

A súa ficha de control no Goberno Civil pon que era «extremista» e «15-12-37. Muerto por hacer resistencia a los Agentes de la Autoridad en el descubrimiento de un depósito de armas».

Polo seu pasamento abriuse na Coruña a causa 1/37.