Patxot Madoz, Francisco

Militar, 60 anos. Casado con Josefa Bona Linares. Veciños de Málaga. No ano 1895 ingresou na Academia de Infantería de Toledo. Veterano das guerras de Filipinas e de Marrocos. En 1928 ascendérono a xeneral de brigada. En xaneiro de 1935 nomeárono comandante da 4ª Brigada de Infantería, da II División Orgánica, así como comandante militar de Málaga.

Golpista. Axustizado.

En xullo de 1936 seguía ao mando da 12ª Brigada de Infantería en Málaga. Implicado na sublevación, aínda que non moi convencido; despois de recibir indicacións de Gonzalo Queipo de Llano Sierra, declarou o estado de guerra e sacou as tropas á rúa para tratar de controlar a cidade. Contou coa oposición da Garda de Seguridade e Asalto e das milicias obreiras, polo que ás 04:00 h, contra o parecer doutros oficiais rebeldes, deu a orde de que as tropas volveran aos cuarteis; as tropas da Garda Civil xa se retiraran antes.

Detido e conducido o día 21/07/1936 ao vapor Delfín, que se empregaba como buque prisión.

Este barco asaltouno unha multitude de persoas, aos detidos leváronos a terra e tiroteáronos. A Patxot ferírono.

O día 22 de agosto o exército franquista bombardeou a cidade de Málaga, producindo moitos mortos entre a sociedade civil. Unha morea de xente, presa da indignación por estes feitos, asaltou o barco prisión e asasinou a 46 presos das dereitas, entre eles ao xeneral Francisco Patxot.