Puente Carracedo, Eduardo

Panadeiro, sindicalista e librepensador, 49 anos. Veciño de Santiago de Compostela. Emigrado na República Arxentina, onde pasou unha ano na cadea e deportárono no ano 1921. Irmán de Teresa Puente Carracedo, quen casara co industrial panadeiro, José Alonso Vieites, e tío de Carmen-Libertad Alonso Puente, mestra que se exiliou en México. Durante a II República rexentou o Bar El Infierno, no Pombal, Santiago de Compostela.

Foi un dos fundadores de Xuventude Liberal.

Afincado xa en Santiago de Compostela, foi conselleiro do Sindicato de Panadeiros La Espiga, vencellado á CNT. Anticlerical despois que unha prima súa, preñada dun cóengo da catedral, a fixeran abortar na clandestinidade co resultado de morte.

Paseado.

Ao producirse o golpe dos sublevados buscou refuxio nas ruínas do Castelo de Rocha Forte.

Xulgado en proceso militar en Santiago de Compostela, na causa 1153/36, co resultado de sentenza de sobresemento.

Capturado polos sediciosos e encarcerado en Santiago de Compostela, de onde o sacaron para pasealo.

Asasinado, cando tentaban prendelo, polo sarxento Peñaranda, do Corpo de Seguridade e Asalto de Santiago de Compostela, os gardas Cagide e Vázquez Carreira e o garda civil Alejandro Ruiz Nidáguila.

Morte rexistrada en Santiago de Compostela por mor dunha hemorraxia interna producida por ferida de arma de fogo.

O seu cadáver apareceu baixo a ponte da Rocha, no lugar da Amañecida, San Martiño de Laraño, en Santiago de Compostela.