Refojo Mariño, Luis

Garda xurado. Veciño de Sabarís.

Falanxista. Segundo algunhas testemuñas "Luis Refojo era malo como la sarna". Significado represor e asasino.

Represor. Morte en enfrontamento.

Morto dun tiro en Sabarís, nunha tentativa de asalto para a captura dos irmáns Luis López Luis e José López Luis, os Ineses, operativo que dirixía o cabo da Garda Civil Manuel González Pena, sinalado polos veciños como “un sen vergoña, un abusón de mulleres”. Despois da súa morte no enfrontamento, os agochados tentaron fuxir e finaron asasinados polas forzas represoras xunto coa criada da casa onde se acubillaban, Dolores Samuelle Álvarez.

A nove persoas do Val Miñor, que sacaron da prisión do frontón da rúa María Berdiales, en Vigo, fusiláronas o día seguinte, 16 de outubro, un grupo de falanxistas e na represalia pola morte o día anterior deste falanxista de Sabarís, represor e asasino.

Os executados neste lugar e data foron: Manuel Aballe Domínguez, mariñeiro; Manuel Barbosa Durán, mariñeiro; Modesto Fernández Rodríguez, mariñeiro; Elías-Alejandro Gonda Alonso, labrego; Fidel Leyenda Rodríguez, mariñeiro; Manuel-Francisco Lijó Pérez, mariñeiro; Felicísimo-Antonio Pérez Pérez, mariñeiro; José Rodríguez González, mariñeiro, e Generoso Valverde Iglesias, mariñeiro.

Asasinatos rexistrados no quilómetro 58 da estrada de Pontevedra-Camposancos, na coñecida como "A volta dos nove".