Velo Cobelas, Carlos

Profesor e cineasta, 26 anos. Casado con María-Luisa Álvarez Santullano, Marylín. Veciños de Madrid. Estudou Maxisterio na Escola Normal de Ourense. Licenciouse en Bioloxía en Madrid no ano 1932 e exerceu de profesor na Facultade de Bioloxía da Universidade Central de Madrid, nas materias de Entomoloxía e Ciencias Naturais. Comezou a súa andadura cinematográfica no ano 1934. Colaborador das Misións Pedagóxicas.

Militante do PCE e galeguista.

Exiliado. Encarcerado.

Cando se produce o golpe militar atopábase en Segovia; tentou volver a Cartelle coa intención de pasar a Portugal coa súa dona, pero alí sábese en perigo e pasa a territorio republicano, onde acadou o grao de comandante do Servizo de Cartografía do Exército Popular da República.

No mes de febreiro do ano 1939 pasou a Francia desde Barcelona coa súa dona e confinárono no campo de concentración de Saint-Cyprien (Pireneos Orientais, Occitania, Francia).

Desde Marrocos embarcou para México coa súa dona no Flandre; chegaron ao país centroamericano en xuño de 1939. En México adicouse á docencia e a produción de documentais, longametraxes e curtametraxes; moi recoñecido pola súa traxectoria audiovisual.