Viéitez Viéitez, Amadeo

Labrego, 30 anos. Casado con Felisa. Veciños de Santo André de Abelenda das Penas, Carballeda de Avia.

Encarcerado. Morte na cadea.

Xulgado en consello de guerra en Ourense o día 19/04/1937 polo delito de rebelión militar, na causa 54/37, co resultado de sentenza a cadea perpetua segundo resolución do 19/04/1937.

O tribunal militar condenou á pena de morte a Nonito Álvarez Fariñas; penas de cadea perpetua para: Leopoldo Álvarez Rodríguez, Cándido González Doporto, Alfonso González Soto, Ángel López Vidal, Benito Quinteiro Alonso, Antonio Rodríguez Orge, Germán Vidal Martínez e Amadeo Viéitez Viéitez; a 20 anos castigaron a Alfonso Candedo Pérez; pena de 12 anos e un día para Valentín Míguez Araujo; autos de absolución para: Celso Serrano Rodríguez e Marcial Viñuelas Álvarez; declararon fuxidos a: Celso González Dopazo e Arcadio Leiva Gómez. Tamén inculparon neste procedemento a: Emilio Álvarez Sulleiro e Victorino Gómez Álvarez.

Interno na Prisión Provincial de Ourense.

Trasladado ao penal do Forte de San Cristóbal o día 14/07/1937, onde se rexistra a súa morte por mor dunha anoxemia por tuberculose ás 16:00 h.

Procesárono no Tribunal Rexional de Responsabilidades Políticas da Coruña e indultárono no ano 1957.