Arnoso Calvo, Andrés

Tendeiro, ferreiro e político. Veciño de Formariz. Tiña unha pequena tenda en Vilar de Mouros, Cabalar. Irmán de Evaristo Arnoso Calvo, tamén colaboracionista e axustizado pola guerrilla antifranquista.

Co triunfo da Fronte Popular (FP) foi concelleiro e elixírono alcalde da Capela en febreiro de 1936.

Colaboracionista. Axustizado.

Proceso aberto en Ferrol (A Coruña) por auxilio á rebelión, causa 159/38, co resultado de sentenza de sobresemento.

Acusado polo cura de Santiago da Capela, Baldomero Roibal Paz, que o seguía a ter por roxo. O xuízo contra Andrés rematou sobresido en abril de 1938.

O Valerio non tardou en mudar de chaqueta e converteuse nun dilixente colaborador e informador da Garda Civil e amigo do garda José Torres Santiso, comandante do posto de Fene (A Coruña).

Os fuxidos acusárono de colaborar na represión e de delatar a Juan-José Teijeiro Leira, o Mazicos, e ao artilleiro Jesús Plana Rodríguez, colaborando co seu grupo na súa detención o día 24/03/1937; tamén participou nestes feitos o seu irmán Evaristo e o grupo falanxista de José Pereira López. Participou na represión contra Constantino Bouza Pereira.

Finou axustizado pola guerrilla antifranquista o día 10/03/1939, cinco días despois da morte de Constantino. O día anterior os guerrilleiros perseguírano e ferírano en Vilar de Mouros; Torres Santiso ordenou que o levaran ao Hospital de Mariña de Ferrol, onde morreu aos tres días.