Blanco Barreira, Francisco-Manuel

Labrego, 34 anos. Veciño de San Xurxo de Cristimil, Lalín. Irmán de Adolfo Blanco Barreira, Adolfo da Cima, morto no intento de fuga do penal de San Cristóbal. Emigrou á República Arxentina, regresando a Galicia nos anos trinta.

Presidente do Comité Republicano de Cristimil-Gresande en 1933.

Encarcerado. Exiliado.

Cando o alzamento, recolleron e armas e acudiron na defensa da República a Lalín.

Prendérono os franquistas o 25/08/1936 e internárono na cadea de Lalín co seu irmán Adolfo.

Xulgado en consello de guerra en Pontevedra, o día 18/02/1937, polo delito de auxilio á rebelión co resultado de sentenza a 15 anos de prisión.

Pena ordinaria conmutada pola comisión de exame de penas de Pontevedra.

Puxérono en liberdade no ano 1940 e volveron detelo en 1948 baixo a acusación de colaboración coa guerrilla.

Xulgado na Coruña nun consello de guerra en marzo de 1949 polo delito de “auxilio a malhechores”, na causa 296/48, co resultado de sentenza a un ano de cadea. Nesta causa había outros 45 procesados.

O tribunal militar, neste caso, condenou a cadea perpetua a Julio Bazarra Constenla e a un ano de cadea a Francisco-Manuel Blanco Barreira.

Para ver ás persoas encausadas neste procemento dirixirse á ficha de Jaime Agra Blanco.

Diante do acoso das autoridades franquistas decide exiliarse en Bos Aires, na República Arxentina.

Regresa a Galicia nos anos sesenta.