Bouza-Brey Trillo, Fermín

Historiador, escritor e maxistrado, 35 anos. Casado con Emilia Álvarez Álvarez; tiveron tres fillas e dous fillos: Emilia, Fermín, Isabel, José e María-Luisa. Veciños da Estrada (Pontevedra). Licenciado en Dereito en 1924 e en Filosofía e Letras en 1931 na Universidade de Santiago de Compostela (USC). Xuíz desde 192e en Viella, Val de Arán (Lleida). No ano 1930 era xuíz de primeira instancia na Estrada (Pontevedra). Irmán de Luis Bouza-Brey Trillo, procesado.

Militante do Partido Galeguista (PG).

Un dos fundadores do Seminario de Estudos Galegos (SEG).

Colaborou nas revistas galegas Cristal, Resol e Nós e co xornal A Nosa Terra.

Depurado.

Despois do triunfo da sublevación militar ábreselle un expediente de depuración no ano 1937; separárono do servizo ata 1938 e inhabilitárono para o exercicio da avogacía. Acusárono de masón, galeguista e desafecto ao Movimiento Nacional.

Marchou a Burgos coa súa dona para fuxir da represión.

Rehabilitárono no ano 1939 e nomeárono xuíz xurídico-militar en Lleida; pronto puido regresar á Estrada.

Ingresou na Real Academia Galega (RAG) o 27/07/1941 e permaneceu ata 1973.

Foi profesor na Facultade de Dereito da USC.

No ano 1942 destinárono como xuíz a Santiago de Compostela. Tamén exerceu de maxistrado en Lugo, Pontevedra e Oviedo (Principado de Asturias).

Volveron separalo da xudicatura de 1952 a 1956.

Adicóuselle o Día das Letras Galegas no ano 1992.