Carballo Tajes, Ramón

Viaxante de comercio e político, 30 anos. Solteiro. Veciño de San Pedro da Ponte do Porto, Camariñas (A Coruña).

Membro do Sindicato de Oficios Varios de Camariñas, da UXT.

Fuxido. Executado.

Despois do golpe fascista e de participar na requisa de armas, foxe aos montes de preto da casa e agóchase tamén en casas dos veciños, incluso na dun falanxista. Á casa da súa familia acudían os falanxistas na súa procura e requisáronlles case que todo o que tiñan.

Foxe por mar nun barco desde Muxía e cara Portugal con Andrés-Celestino Balsas Vello e Manuel Carracedo Balsa; detivéronos no país veciño e deportounos a Policía Internacional e de Defensa do Estado portuguesa (PIDE) aos falanxistas de Tui. Ramón tentou suicidarse cortándose as veas e ingresárono nun hospital; aos seus compañeiros paseáronos.

Ingresárono na cadea en Corcubión (A Coruña) e despois trasladárono á Prisión Provincial da Coruña o día 07/01/1937.

Xulgado en consello de guerra na Coruña o día 24/02/1937 polo delito de rebelión militar, na causa 1367/36, co resultado de sentenza á pena de morte.

Fusilado na Polvoreira de Durmideiras, preto da Punta Herminia, na Coruña, pasado polas armas.

Asasinado con Andrés García Ferreiro e Antonio Ramallo Gómez.

Soterrárono o día 15 de marzo nunha fosa común no cemiterio de San Amaro, na Coruña, con Andrés García Ferreiro e Antonio Ramallo Gómez.

No ano 1943 abríronlle un expediente por responsabilidades políticas.