Ceano Vivas-Sabau, José

Militar, 42 anos. Pertencía ao Corpo de Infantería.

A súa carreira como militar de liña dura comezou coas súas brutais actuacións na represión dal folga xeral revolucionaria do Principado de Asturias en outubro de 1934.

Golpista. Morte en combate.

Cando se produce o alzamento era coronel de Infantería e comandante xefe do 2º Batallón do Rexemento de Infantería Zamora nº 8, el Fiel, en Ourense, formado por 600 homes; tivo especial intervención nos primeiros días do golpe dos rebeldes en Ourense, xunto co comandante militar da praza, o tenente coronel Luis Soto Rodríguez. Moitos oficiais da guarnición ourensá, incitados pola Unión Militar Española (UME), tamén eran partidarios da sublevación. Ademais contaron coa colaboración dos conservadores tradicionalistas, os carlistas e os falanxistas.

No desenvolvemento do golpe en Ourense ordenou a toma dos edificios públicos e estratéxicos da cidade e foi responsable de moitos dos actos de represión en toda a provincia.

O día 28/07/1936 sae de Ourense e participou en Lugo na formación dunha columna de máis de 1000 homes, que o día 29 partiu cara Oviedo (Principado de Asturias) coa intención de levantar o cerco das forzas republicanas sobre esta cidade asturiana. Catro columnas militares saíron de Galicia ata o 9 de agosto e co dito obxectivo.

Despois designárono delegado de Orde Pública en Xixón (Principado de Asturias) e ferírono en Navia o día 1 de agosto. Morreu en combate aos 42 anos e substituíno no mando o tenente coronel de Infantería Jesús Teijeiro Pérez, quen “liberaría” Oviedo o día 17/10/1936.