Díaz Pérez, Antonia-Josefa-Liria

Tiña 8 anos. Compañeira de Luis-María Trigo Chao, o Gardarríos, Chao. Orfa de nai, pertencía a unha familia que auxiliaba a opositores ao franquismo. Era a pequena de cinco irmáns.

Fuxida. Morte en enfrontamento.

Pertencía a unha familia de enlaces da guerrilla antifranquista.

No mes de novembro de 1938 Luis-María Trigo formou a Agrupación Tchapaief (ou Agrupación Chapa) na bisbarra de Ortegal e a Mariña, na provincia de Lugo; a primeira agrupación guerrilleira de Galicia.

Antonia pasou á clandestinidade a finais do ano 1946, ano no que posiblemente coñeceu a Gardarríos, que ás veces se acubillaba na casa familiar. Escapou porque se sentía ameazada polos represores, que a acusaban de auxilio a fuxidos. A familia esqueceuse dela e ata o propio pai a tivo denunciado.

Andou polos montes e en casas de apoio con Luis-María Trigo uns dous anos, en moitas ocasións disfrazada de home, polo que non a recoñecían.

A Garda Civil e a Policía Armada, alertados da presenza de Gardarríos en Lourenzá, montaron unha redada na casa dun enlace. As forzas represoras, pertencentes á Brigada Político Social de Madrid, achábanse baixo as ordes do sarxento Sebastián Fernández Rivas, Rica.

Cando Luis-María e a súa compañeira Antonia, que viñan da festa do San Xoán de Ove, Ribadeo, chegaron á casa de apoio en Vilanova, metralláronos no xardín deste domicilio. A Antonia ferírona de gravidade cos primeiros tiros, pero Luis-María Castro mantivo o tiroteo catro horas, ata que o mataron. A moza tivo unha longa agonía e apareceu cribada a balazos, segundo o informe forense.