Eive Vilar, Carmen

Tiña 24 anos. Irmá de Manuel Eive Vilar, de José Eive Vilar, de Evaristo Eive Vilar, de Josefa Eive Vilar e de María Eive Vilar, casada co anarquista Pascual Carballo, e que vivían nos Estados Unidos. Veciña dos Xicos, Regoela.

Denigrada. Encarcerada.

A Garda Civil, para que delatase os agochos dos seus irmáns e doutros veciños, levábaa ao monte e dáballe malleiras para que os delatase.

Tamén pasaron polos mesmos atrancos a súa irmá Josefa Eive Vilar; Olimpia Barcia Fernández, irmá de Xicos; Maruja Bouza Pereira, irmá de Jesús, Constantino, Vicente e José Bouza Pereira; Maruja Vilar Pereira, irmá de Antonio e Higinio Vilar Pereira; María Vilar Pazos e Leocadia Vilar Pazos, irmás de Juan, Manuel, Saturnino e Jesús Vilar Pazos.

Enlace da guerrilla antifranquista.

O día 15/03/1943 detivérona con algunha das anteriores e xulgáronas na causa 207/43, acusadas de acoller nas súas casas a guerrilleiros e de proporcionarlles comida e roupa.

Neste proceso xulgaron, entre outras persoas, a Olimpia Barcia Fernández, a Carmen Eive Vilar e a Josefa Eive Vilar.

Estiveron un tempo no cárcere pero o proceso pechouse co resultado de sobresemento. Carmen estivo tres meses no cárcere de Ferrol (A Coruña).