Gómez Iglesias, Ángel

Obreiro, 32 anos. Casado; tiñan oito fillos. Veciño de Santa Cruz de Prado, Vilar de Barrio. Obreiro do ferrocarril.

Presidente da Sociedade de Oficios Varios e Obreiros do Ferrocarril e da Sociedade Labrega de Prado.

Fuxido. Encarcerado.

Integrouse nas columnas de obreiros do ferrocarril que fixeron fronte aos sublevados na zona de Maceda, Foncuberta, Baños de Molgas, Bóveda e Vilar de Barrio, na provincia de Ourense.

Despois foxe a Portugal, onde permanece uns tres anos. Entregouse ás novas autoridades franquistas en xuño de 1939, despois de que os fascistas prenderan a dous dos seus irmáns e á súa nai.

Xulgado en consello de guerra sumarísimo en Ourense polo delito de auxilio á rebelión, na causa 394/40, co resultado de sentenza a 20 anos de prisión.

Pena ordinaria conmutada pola de 12 anos de reclusión maior.

Arrestárono de novo no ano 1949.

Xulgado en consello de guerra en Ourense polo delito de auxilio a bandoleiros, na causa 185/49, co resultado de sentenza a un ano de cadea.

Neste xuízo procesaron a moitas persoas e, entre elas, condenaron a dous anos de cadea a Ángela Sampedro Piñeiro; pena de un ano de cadea para Ángel Gómez Iglesias e ditaron auto de sobresemento para Julio Pérez Cid.

Procesárono no Tribunal Rexional de Responsabilidades Políticas da Coruña no ano 1942.