Leira Piñeiro, José-Francisco-Nicolás

Militar, 23 anos. Veciño de Pontedeume. Mariño da Armada, fogueiro no transporte lixeiro Contramaestre Casado. Irmán de Ángel Leira Piñeiro, encarcerado, e de Frutos-Manuel-Jesús-Bernardino Leira Piñeiro, fuxido e encarcerado.

Executado.

Xulgado en consello de guerra en Ferrol polos delitos de rebelión, sedición e “inutilización” (sucesos que ocorreron no Contramaestre Casado cando a tripulación se sumou á tripulación do acoirazado España para facer fronte aos rebeldes) co resultado de sentenza á pena de morte.

Fusilado na Punta do Martelo do Arsenal de Ferrol.

Ese día 30 de agosto pasaron polas armas os seguintes mariños do Contramaestre Casado: José Vázquez Montero, José Leira Piñeiro, Manuel Álvarez Porto, Nicolás Noche Pérez, Julio Catalá Jaso, Enrique Gámez Criado e Juan Pernas Fernández.

A dotación leal á República pasou polas seguintes vicisitudes:

Condenaron á pena de morte a: Julio Álvarez Doval, 23 anos, enfermeiro; Manuel Álvarez Porto, 36 anos, fogueiro; Julio Catalá Jaso, 26 anos, 3º maquinista; Enrique Gámez Criado, 30 anos, 2º auxiliar naval; José-Francisco-Nicolás Leira Piñeiro, 23 anos, fogueiro; Nicolás Noche Pérez, 27 anos, maquinista; Juan Pernas Fernández, 35 anos, maquinista; Daniel Sueiras Brage, 25 anos, mariñeiro e José Vázquez Montero, 38 anos, auxiliar naval. Tamén condenaron á pena de morte, logo conmutada pola de cadea perpetua, a Antonio Pérez Vidal, 24 anos, fogueiro.

Castigaron a cadea perpetua a: Miguel Fernández Varela, 22 anos, mariñeiro; Luis Gómez Yáñez, 32 anos, mestre de mariñeiría; Manuel Loureiro Rodríguez, 29 anos, cabo de mariñeiría; José Maceiras García, 38 anos, mestre de mariñeiría; Julio Porto Vigo, 29 anos, auxiliar 2º; Antonio Rosas Cano, 25 anos, mariñeiro e Luis Santamaría Gómez, maquinista.

Penas de 20 anos de cadea para: Antonio Amigo Freire, 21 anos, mariñeiro e José-María Rodríguez Pedreira, 27 anos, cabo de mariñeiría.

Sentenzas de 12 anos e un día para: os mariñeiros Miguel Carrero Pereira, 21 anos; Emilio-Cristino Conde Martínez, 22 anos; Isidoro García Pazos, 21 anos; José País Lapido, 21 anos; Joaquín Pérez Grova, 19 anos e Ramón Rodríguez Rodríguez, tamén 19 anos.

Ao mecánico José Mosquera Ogando declarárono fuxido e en rebeldía, igual que a Hipólito Bustamante Leal, cabo electricista.

Absolveron neste procedemento a: o capitán de corveta Manuel-Pastor Fernández Checa, 39 anos, e o tenente de navío José Sáenz de Cenzano Ponce de León, 31 anos; o mariñeiro escribinte Marcelino Flórez López, 24 anos; o mariñeiro tambor Manuel Mora Santiago e os mariñeiros Daniel Campano Ferro, 25 anos; Antonio Cordero Louzán, 27 anos (da dotación do Velasco); José-María Pérez Mayobre, 25 anos e Julio Vázquez González, 19 anos.