López González, Manuel

Mestre, 26 anos. Solteiro. Veciño e mestre de Atios, Santalla de Valdoviño, Valdoviño (A Coruña).

Militante da UXT. Vogal da xestora municipal de Valdoviño e asesor do alcalde.

Paseado. Depurado.

Detido polos fascistas e ingresado no Plus Ultra.

Xulgado en consello de guerra en Ferrol (A Coruña), o día 04/12/1936, polo delito de auxilio á rebelión na causa 368/36.

Neste xuízo condenaron á pena de 12 anos e un día de prisión a: Manuel Díaz Lagoa, José López Beceiro, José Méndez Montero, Francisco Rivera Bouza e Bernardino Rodríguez Quintiá; tamén condenaron á cadea a Andrés Vergara Bacorell e declararon fuxido a Frutos Burgos Ramos. Aparecen ademais nos autos: José Ambrós Gordillo e Manuel López González.

Morte rexistrada en Ferrol a mans da forza pública franquista. Asasinado segundo unhas fontes en Ferrol e segundo outras en Valdoviño.

As testemuñas indican que o sacaron do barco con outras catro ou cinco persoas, porque alguén dixera que sabían onde se agochaban as armas en Valdoviño. Leváronos a Mugardos e entregáronos a un grupo de falanxistas que os asasinaron; os represores xustificáronse indicando que tentaran fuxir e disparáronos. Os documentos do xulgado indican que apareceu morto en Ferrol.

Nesta acción pasearon, entre outras persoas, a: José Ambrós Gordillo, mestre; Manuel López González, mestre, e Manuel López López, funcionario.

A Manuel López e certo que tentaron asasinalo, ferírono na cabeza pero sobreviviu, escondeuse en Vilar de Mouros, Santa María de Cabalar, A Capela (A Coruña), na casa do tamén mestre José Calvo García e despois volveu en tren ao seu pobo en Cáceres, co seu irmán Alfredo.

Para despistar a súa familia fixéralle funerais en Valdoviño.

Separado do servizo e dado de baixa na escala de mestres.

En Cáceres non se tiñan noticias do que ocorrera en Valdoviño e mobilizárono os golpistas, pasando polas frontes de Teruel, Tarragona e Barcelona; rematou a guerra civil co grao de alférez ou tenente de complemento.

Casou, tivo dous fillos e refixo a súa vida como policía, non contando nada do que lle ocorrera pois sempre temeu que o descubriran.