Pérez Arias, Armando

Labrego, 21 anos. Solteiro. Veciño de Navia e Suarna (Lugo).

Encarcerado. Morte en enfrontamento.

No decorrer da guerra civil loitou no 29º Batallón Asturias do exército republicano e resultou ferido en xullo de 1937.

Ingresado na Prisión Provincial de Lugo o día 22/02/1938.

Xulgado en consello de guerra en Lugo polo delito de adhesión á rebelión, na causa 1132/37, co resultado de sentenza a cadea perpetua. Proceso seguido contra varios veciños de Cervantes e Navia de Suarna.

A sentenza condenou a cadea perpetua a: Hilario González Quiroga, Bernardino López Arias e Armando Pérez Arias; condenaron a prisión temporal a Valentín López Méndez. O auto foi absolutorio para: Amable Fernández Méndez e Manuel Fernández Méndez, e declarou fuxidos a: Teodoro Fernández Arias, Manuel García Alonso, Francisco González Arias, Teolindo González Arias, Segundo Martínez González, Manuel Pérez Arias e José-Ramón Pérez González. Tamén procesaron a: José López Lombardía, Manuel Pérez López e Antonio Trabado Brañas.

Trasladado á prisión de Toledo o día 11/01/1942.

Pena ordinaria conmutada pola comisión de exame de penas de Lugo.

Con posterioridade ingresou na Federación de Guerrillas de León-Galicia (FG).

Xulgado no Tribunal Militar Territorial de León na causa 257/43.

Produto dunha delación ao seu grupo cercárono forzas conxuntas da Garda Civil, do Terzo e da Policía Armada en Cantejeira. No enfrontamento morreron Hilario González Quiroga, Gerardo Lamas Cerezales; Sinforiano Alba Abella, o Tato, e Armando Pérez Arias. Tamén morreu o policía Faustino Pardo Hernández.

Da redada só puido fuxir con vida o guerrilleiro Pedro Lamas Cerezales.

Procesárono no Tribunal Rexional de Responsabilidades Políticas da Coruña e indultárono no ano 1961.