Pérez Merelas, José

Veciño da Coruña.

Militante da CNT.

Fuxido. Encarcerado.

Foxe nos vapores Rita Esperanza e Lourdes, que fuxiron a Francia desde Cariño (A Coruña).

Desta fuga declararon fuxidos e en rebeldía a: Andrés Aneiros Sardiña, militar; José-Manuel Castro Cartelle, mariñeiro; Bernardo Cores Soto; Alfredo Costas Álvarez; Pedro Díaz Porto; Fernando García Aguiar, ferreiro; Santiago García Cándido, mariñeiro; José Maroño Riveira, mariñeiro; Jesús Mejuto Iglesias, mariñeiro; Braulio Méndez Fernández, mariñeiro; José-María Otero Mariño, mariñeiro; Atanasio-Manuel Pereiro Agruño, mariñeiro; José Pérez Agrelo; José Pérez Merelas; José-Francisco Sánchez Triñanes e Isolino Sieira Lobeira, mariñeiro.

Procesaron co resultado de sentenza de absolución e puxeron en liberdade a: José Álvarez Pena, mariñeiro; Manuel Area de los Santos, mecánico naval; Eduardo Fernández Andrade, mariñeiro; Manuel García Cambados, fogueiro; Francisco Martínez García, mariñeiro; Marcelino Soto Ares, mariñeiro; Manuel Vidal Aguete, fogueiro; Manuel Vidal Maneiro, mariñeiro, e Manuel Villaverde Cousillas, patrón de cabotaxe.

Xulgado en consello de guerra en Ferrol (A Coruña) polo delito de adhesión á rebelión (fuxida dos vapores Rita Esperanza e Lourdes) co resultado de sentenza a cadea perpetua.

Pena ordinaria conmutada na comisión de exame de penas da Coruña, en febreiro de 1941, pola de 20 anos de prisión.

Interno na Prisión Provincial de Oviedo (Principado de Asturias), deixárono en liberdade condicional provisoria o día 02/03/1944, que se publicou no BOE nº 88 do día 28/03/1944.