Almoina Mateos, José

Funcionario, escritor e político, 33 anos. Casou en Benavente (Zamora) en outubro de 1932 coa mestra Pilar Fidalgo Carasa. Estudou Filosofía e Letras na Universidade de Santiago de Compostela (USC) e licenciou en 1930. Funcionario de Correos en Benavente. En 1933 trasladárono como represalia política a Alcaudete (Xaén), onde permaneceu ata o triunfo da Fronte Popular (FP).

Militante do PSOE.

Membro dunha loxa masónica.

Compromisario para a elección do presidente da República, Manuel Azaña Díaz, en abril de 1936 pola provincia de Zamora.

Exiliado.

Despois do golpe de Estado pasou ao Principado de Asturias e os fascistas prenderon á súa dona, a que logo intercambiaron por un xeneral franquista en xullo de 1937.

Coa súa muller conseguen pasar a Francia e, o día 7 de novembro de 1939, exiliáronse na República Dominicana, onde exerceu de profesor na Escola Diplomática e Consular e desenvolveuse como catedrático na Universidade de Santo Domingo. Tamén exerceu de secretario particular do presidente da República Dominicana Rafael Leónidas Trujillo; logo, enfrontado con este mandatario, exiliouse en México.

Asasinado en México por sicarios trujillistas cando volvía da misa; atropelárono nunha rúa de Mexico mentres esperaba o bus. Do coche baixaron dous pistoleiros que o cribaron a tiros.