Barral Otero, Jacobo

Mestre e político, 30 anos. Solteiro. Veciño da rúa Corgo, 68, no Grove. Mestre de 1ª Ensinanza. Sobriño do ex-alcalde Jacobo Otero Goday, encarcerado.

Durante a II República foi correspondente de El Pueblo Gallego no Grove.

Presidente do Grupo Local do Partido Galeguista (PG) e alcalde do Grove desde finais de xuño de 1936.

Encarcerado. Depurado.

Despois de que se producira o golpe dos sublevados o alcalde Jacobo Barral Otero presentouse o día 19 de xullo no cuartel da Garda Civil co delegado do gobernador, Manuel Puente Iglesias, e con Miguel Mandías Merino; ocuparon oito revólveres que entregaron a xentes de esquerdas; o día 25 de xullo O Grove cae nas mans dos golpistas. Ao alcalde prendérono.

Xulgado en consello de guerra en Pontevedra o día 17/11/1936 polo delito de rebelión militar co resultado de sentenza á pena de morte segundo resolución do 17/11/1936.

Pena ordinaria conmutada na comisión de exame de penas de Pontevedra pola de cadea perpetua.

Neste procedemento xulgaron a: Jacobo Barral Otero, mestre; Ángel Cadavid Caamaño, médico; Jacobo Otero Goday, médico; Miguel Mandías Merino, pintor; José Prol Figueiro, mariñeiro, e Manuel Puente Iglesias, funcionario.

Ingresado na Colonia Penitenciaria da Illa de San Simón, Redondela (Pontevedra).

O día 08/02/1937 internárono no penal do Forte de San Cristóbal, Pamplona (Navarra).

Trasladado á Prisión Central de Figueirido (Pontevedra) o día 16/02/1939.

Pena conmutada pola comisión de exame de penas de Pontevedra.

Posto en prisión atenuada o día 10/08/1940.

Estableceuse na Coruña, onde casou.