Blanco González, Mariano

Litógrafo, 33 anos. Veciño de Xixón (Principado de Asturias).

Anarcosindicalista, militante da CNT e secretario xeral do Sindicato das Artes Gráficas asturiano.

Participou na folga xeral revolucionaria de outubro de 1934. Marchou a Zaragoza e volveu a Xixón no ano 1936.

Executado.

Evacuado de Xixón na tarde-noite do 20 de outubro, despois da caída da Fronte Norte. Trataron de escapar das represalias, nuns 60 barcos, unhas 12.000 persoas entre milicianos e civís. Ao barco de Mariano, o Llodio, interceptouno a frota rebelde. Prendérono e desembarcárono en Cedeira (A Coruña).

Xulgárono co campo de concentración de Camposancos, A Guarda (Pontevedra), e xullo de 1936, co resultado de sentenza á pena de morte.

Morte rexistrada na Prisión Central de Celanova por mor de fusilamento ordenado polo Xulgado Eventual da Bandeira de Falanxe de Marrocos.

Un pelotón da Bandeira de Falanxe fusilou na mañá dese día a sete persoas nas tapias do cemiterio de Celanova: Belarmino Álvarez García, mineiro; Mariano Blanco González, litógrafo; Guillermo de Diego Álvarez, Chofer; Marcelino Fernández García, mecánico; Alfonso Moreno Gayol, chofer; Abelardo-Félix Suárez del Busto, albanel, e Baldomero Vigil-Escalera Vallejo, pintor.

Soterráronos nunha fosa común no cemiterio de San Breixo de Celanova.