Diz Rivas, Ramón

Mariñeiro fogueiro, 38 anos. Casou en Erandio (Biscaia) con Concepción Eizaguirre Rementería; tiveron dous fillos: José-Ramón e Luis. No ano 1921 trasladárase a Erandio. Irmán de José Diz Rivas, morto en Odessa (Ucraína). Ao seu tío paterno, Manuel Diz Rubianes, presidente do Sindicato do Transporte Marítimo de Vilagarcía de Arousa, executárono os franquistas o día 15/08/1936. Mariñeiro na mercante.

Exiliado. Encarcerado. Morte na cadea.

En maio de 1937 evacuárono de Bilbao cara Francia, seguramente sen a súa familia. No ano 1939 confinárono en Saint-Cyprien (Pireneos Orientais, Occitania, Francia) e en Argelès-sur-Mer (Pireneos Orientais, Occitania, Francia); o día 06/04/1939 trasladárono a Gurs (Pireneos Atlánticos, Aquitania, Francia), preto do País Vasco, con outros 1379 presos e de onde os desaloxaron en xullo de 1939.

Prendérono os alemáns na II Guerra Mundial e ingresárono no campo de Angulema (Charente, Nova Aquitania, Francia); este campo abandonárono o día 20/08/1940 e trasladáronos en tren ao campo de exterminio de Mauthausen (Austria) nunha viaxe de catro días. Enviárono, xa moi debilitado, ao sub-campo de Gusen o día 21/01/1941, onde se rexistra a súa morte aos seis días por mor dunha pleurite