Domínguez Lamela, Antonio

Empresario e político. Casou en Cuba e tivo un fillo e dúas fillas: Jaime, Blanca e Dulce-María. Emigrou a Cuba, onde foi director e propietario da Central Eléctrica de Palma Soriano. Veciños da rúa Gregorio Hernández, 168-2º, na Coruña. Volveu á Coruña no ano 1924 e adicouse á promoción urbanística: era propietario do edifico das oficinas de Electra Popular Coruñesa, de José Miñones Bernárdez, da que era vogal no seu Consello de Administración.

En marzo de 1936 era vicepresidente da Cámara Oficial da Propiedade Urbana. Socio do Casino Republicano coruñés e un dos fundadores de Alianza Republicana (AR) en maio de 1931. Afiliouse ao Partido Republicano Radical (PRR) e despois integrouse no Partido Republicano Radical Demócrata (PRRD) constituído en xuño de 1934, sendo vogal da directiva. En agosto de 1935 pasou a ser vogal da directiva de Unión Republicana (UR).

Vicepresidente da loxa masónica Pensamiento y Acción nº 11. Xa era masón en Cuba.

Encarcerado. Sancionado. Exiliado.

Cando se produce o golpe de Estado acusárono de masón e prendeuno a policía e a milicia armada Caballeros de La Coruña na noite do día 24/08/1936, pasando a arresto domiciliario o día 29 do mesmo mes. Fixo unha doazón de 500 pesetas para que o autorizaran a saír de España, pero non foi suficiente.

O día 07/10/1936 castigárono cunha multa de 2500 pesetas e, nese mes, puido exiliarse en Cuba.

Sometido a expediente de responsabilidades políticas en 1941, tamén o procesou o Tribunal Especial para a Represión da Masonería e o Comunismo.

Casou en Cuba; tiveron un fillo e dúas fillas: Jaime, Blanca e Dulce-María.