Esturao Calvo, Ramón

Militar e político, 26 anos. Casado con Adelina Santaló Cortina (Xirona); tiveron dous fillos. Comezou os estudos de Dereito na Universidade de Santiago de Compostela (USC).

Durante a II República militou en Esquerda Republicana (ER) e, desde 1933, en Vangarda de Esquerda Republicana (VER).

Exiliado. Encarcerado.

Cando se produce o golpe militar incorporouse na Coruña a un rexemento de Artillería e, o día 21/09/1936, foxe no barco británico Orbita cara a Habana (Cuba).

No ano 1937 volveu á zona republicana vía Francia e alistouse nunha brigada da 11ª División Lister do V Corpo de Exército do Exército do Centro; co grao de tenente participou na ofensiva de Aragón e na defensa de Teruel. Capitán por méritos de guerra do 4º Batallón das Milicias Galegas, logo integrado na 1ª Brigada, 11ª División do V Corpo de Exército, que mandaba Enrique Liste Forján, Enrique Líster, rematando como xefe do seu Estado Maior.

En febreiro de 1939 pasou a Francia despois da caída de Cataluña, ingresárono na prisión de Montpellier e, logo, no campo de refuxiados nº 3 de Cap d'Adge (Hérault, Francia). Solicitou poder marchar a México.

Exiliouse en México, chegando a Veracruz no Ipanema o día 07/07/1939; levou consigo a bandeira galega coa que loitaran as milicias.