Galán Calvete, Pedro

Contable e político, 19 anos. Veciño da Coruña. Alumno na Coruña de Ángel Casal, que impartía clases en galego; era o seu alumno máis destacado. Perito mercantil pola Escola Profesional de Comercio da Coruña. Traballou no departamento de contabilidade de xabóns La Toja.

Secretario de organización e, logo, presidente das Mocidades Galeguistas na Coruña, vencellado ao Partido Galeguista (PG). Participou na creación do Club del Mar, sendo dirixente en 1935.

Membro das Irmandades da Fala. Colaborador do voceiro A Nosa Terra.

Paseado.

Cando se produce o golpe militar rechazou a oportunidade que lle deu o seu pai de fuxir a Estados Unidos, seguiu a facer vida normal e comezou os estudos de Dereito. Prendérono os fascistas o día 10/09/1936, na rúa Bailén, na Coruña, cando paseaba coa súa moza. Ingresárono na Prisión Provincial da Coruña e despois levárono ao cuartel da policía na rúa do Orzán; seis días despois apareceu morto nunha cuneta.

Morte rexistrada a causa dunha hemorraxia interna.

O seu cadáver, xunto cos de Manuel Andrade Deibe, José-Manuel Álvarez Álvarez e Joaquín Iglesias Cabana, apareceron nun túnel do ferrocarril A Coruña-Santiago de Compostela na Corbeira, Culleredo.

No proceso que se iniciou por estes asasinatos non se chegou a determinar aos autores e o caso resolveuse cunha sentenza de sobresemento.

Soterrárono o día 16 de setembro nunha fosa común no cemiterio de San Amaro, na Coruña, con José-Manuel Álvarez Álvarez e Joaquín Iglesias Cabana. Trasladado a un nicho en xuño de 1941.